Зөрчлийн тухай хуульд нэмэлт оруулах тухай

2023 оны 01 дүгээр Улаанбаатар

сарын 20-ны өдөр хот

1 дүгээр зүйл.Зөрчлийн тухай хуульд доор дурдсан агуулгатай

дараах зүйл нэмсүгэй:

1/15.35 дугаар зүйл:

“15.35 дугаар зүйл. Дотоодын цэргийн хамгаалалтад байгаа

объектод тогтоосон журам зөрчих

1.Дотоодын цэргийн хамгаалалтад байгаа объектод:

1.1.объектод зориулалтын бус газраар нэвтрэхийг

оролдсон, нэвтэрсэн;

1.2.объектод зөрчилтэй нэвтрэх бичиг баримтаар

нэвтрэхийг оролдсон;

1.3.объектын хамгаалалтад үүрэг гүйцэтгэж байгаа алба

хаагчаас бусад этгээд зэвсэгтэй нэвтрэхийг завдсан бол хүнийг нэг зуун нэгжтэй тэнцэх хэмжээний төгрөгөөр торгоно.

2.Дотоодын цэргийн хамгаалалтад байгаа объектын нутаг

дэвсгэрт:

2.1.нэвтрэх эрх бүхий хүнд саад хийсэн;

2.2.агаарын зайд нисгэгчгүй, зайнаас удирддаг агаарын

хөлгөөр нислэг үйлдсэн бол зөрчлийг арилгуулж, хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно.”

2 дугаар зүйл.Зөрчлийн тухай хуулийн 15.2 дугаар зүйлийн

“Тайлбар” хэсгийн “цагдаа,” гэсний дараа “дотоодын цэрэг,” гэж нэмсүгэй.

3 дугаар зүйл.Энэ хуулийг Дотоодын цэргийн тухай хуульд

нэмэлт, өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдөнө.