Малын генетик нөөцийн тухай хуульд нэмэлт, өөрчлөлт оруулах тухай
2023 оны 01 дүгээр Улаанбаатар сарын 06-ны өдөр хот
1 дүгээр зүйл.Малын генетик нөөцийн тухай хуулийн 9 дүгээр зүйлд доор дурдсан агуулгатай 9.13 дахь хэсэг нэмсүгэй:
“9.13.Энэ хуулийн 9.1-д заасан тусгай зөвшөөрлийн хугацаа сунгахад Зөвшөөрлийн тухай хуулийн 5.5 дугаар зүйлийн 15-д заасан зохицуулалт үйлчлэхгүй.”
2 дугаар зүйл.Малын генетик нөөцийн тухай хуулийн 9 дүгээр зүйлийн 9.8 дахь хэсгийн “тус бүрд” гэсний дараа, мөн зүйлийн 9.9 дэх хэсгийн “сорьцод” гэсний дараа “180 хоногийн хугацаагаар” гэж тус тус нэмсүгэй.
3 дугаар зүйл.Малын генетик нөөцийн тухай хуулийн дараах хэсгийг доор дурдсанаар өөрчлөн найруулсугай:
1/9 дүгээр зүйлийн 9.3 дахь хэсэг:
“9.3.Энэ хуулийн 9 дүгээр зүйлд заасан зөвшөөрөлтэй холбогдсон энэ хуулиар зохицуулаагүй бусад харилцааг Зөвшөөрлийн тухай хуулиар зохицуулна.”
2/9 дүгээр зүйлийн 9.12 дахь хэсэг:
“9.12.Тусгай зөвшөөрлөөр ашиглаж байгаа малын генетик нөөцийн бүртгэл, технологийн хяналтыг малын генетик нөөцийн асуудал эрхэлсэн төрийн захиргааны төв байгууллага хариуцна.”
4 дүгээр зүйл.Малын генетик нөөцийн тухай хуулийн 9 дүгээр зүйлийн 9.1 дэх хэсгийн “12.6, 12.7, 12.8, 12.9-д” гэснийг “12.7, 12.8, 12.9, 12.10-т” гэж өөрчилсүгэй.
5 дугаар зүйл.Энэ хуулийг 2023 оны 01 дүгээр 06-ны өдрөөс эхлэн дагаж мөрдөнө.
