Монгол Улсын Ерөнхийлөгчийн сонгуулийн тухай хуульд өөрчлөлт оруулах тухай

2021 оны 04 дүгээр Улаанбаатар

сарын 29-ний өдөр хот

1 дүгээр зүйл.Монгол Улсын Ерөнхийлөгчийн сонгуулийн тухай

хуулийн дараах хэсэг, заалтыг доор дурдсанаар өөрчлөн найруулсугай:

1/3 дугаар зүйлийн 3.1.2 дахь заалт:

“3.1.2.“нэр дэвшигч” гэж Монгол Улсын Үндсэн хуулийн

Гучдугаар зүйлийн 2 дахь хэсэг, энэ хуульд заасан шаардлагыг хангаж Монгол Улсын Ерөнхийлөгчид нэр дэвшин бүртгүүлж, нэр дэвшигчийн үнэмлэх авсан Монгол Улсын иргэнийг;”

2/5 дугаар зүйлийн 5.4 дэх хэсэг:

“5.4.Энэ хуулийн 3.1.2-т заасан шаардлага хангасан,

Ерөнхийлөгчөөр сонгогдон ажиллаагүй Монгол Улсын уугуул иргэн зөвхөн нэг удаа Ерөнхийлөгчөөр сонгогдох эрхтэй.”

2 дугаар зүйл.Энэ хуулийг 2021 оны 4 дүгээр сарын 30-ны өдрөөс

эхлэн дагаж мөрдөнө.

/Энэ хуульд Монгол Улсын Ерөнхийлөгч 2021 оны 05 дугаар сарын 06-ны өдөр бүхэлд нь хориг тавьсан./