Зөрчлийн тухай хуульд нэмэлт, өөрчлөлт оруулах тухай
2024 оны 06 дугаар Улаанбаатар
сарын 05-ны өдөр хот
1 дүгээр зүйл.Зөрчлийн тухай хуулийн 7.8 дугаар зүйлд доор
дурдсан агуулгатай 6 дахь хэсэг нэмсүгэй:
“6.Албан ёсны сорилт, туршилт, шинжлэх ухаан, сургалтын
зорилгоор сорт сонгох, бүтээхэд ашиглахаас бусад тохиолдолд
хөнөөлт организмыг Монгол Улсын нутаг дэвсгэрт нэвтрүүлсэн, нүүлгэн шилжүүлсэн, хадгалсан, үржүүлсэн, тараасан бол хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно.”
2 дугаар зүйл.Зөрчлийн тухай хуулийн 7.8 дугаар зүйлийн 3.5
дахь заалтын “хэрэглэх” гэсний дараа “заавар,” гэж нэмсүгэй.
3 дугаар зүйл.Зөрчлийн тухай хуулийн 7.8 дугаар зүйлийн
гарчгийн “Ургамал хамгааллын тухай” гэснийг “Ургамлын эрүүл мэнд, ургамал хамгааллын тухай” гэж, мөн зүйлийн 1 дэх хэсгийн “өвчин, хөнөөлт шавж, мэрэгч амьтан, хог ургамалтай” гэснийг “хөнөөлт организмтай” гэж, 2 дахь хэсгийн “Ургамлын өвчин, хөнөөлт шавж, мэрэгч амьтан, хог ургамал устгах ажил гүйцэтгэсэн талбайд хорионы хугацаа дуусаагүй байхад аж ахуйн, эсхүл бусад үйл ажиллагаа явуулж ургамал, хорио цээрийн дэглэм” гэснийг “Ургамлын хорио цээр тогтоосон үед баримтлах журмыг” гэж, 3 дахь хэсгийн “бодис” гэснийг “бүтээгдэхүүн” гэж, мөн хэсгийн 3.4 дэх заалтын “борлуулах” гэснийг “худалдаалах” гэж, 4 дэх хэсгийн болон 13.1 дүгээр зүйлийн 3.2 дахь заалтын “өвчин, хөнөөлт шавж, мэрэгч амьтан, хог ургамал” гэснийг “хөнөөлт организм” гэж тус тус өөрчилсүгэй.
4 дүгээр зүйл.Энэ хуулийг Ургамлын эрүүл мэнд, ургамал
хамгааллын тухай хууль /Шинэчилсэн найруулга/ хүчин төгөлдөр болсон өдрөөс эхлэн дагаж мөрдөнө.
᠒᠐᠒᠔ ᠣᠨ ᠤ᠋ ᠐᠖ ᠳ᠋ᠣᠭᠠᠷ ᠰᠠᠷ ᠠ ᠶ᠋ᠢᠨ ᠐᠕᠆ᠤ᠋ ᠡᠳᠦᠷ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ
ᠵᠥᠷᠢᠴᠡᠯ ᠦ᠋ᠨ ᠲᠤᠬᠠᠢ ᠬᠠᠤᠯᠢ ᠳ᠋ᠤ ᠨᠡᠮᠡᠯᠲᠡ᠂
ᠥᢉᠡᠷᠡᠴᠢᠯᠡᠯᠲᠡ ᠣᠷᠤᠭᠤᠯᠬᠤ ᠲᠤᠬᠠᠢ
᠑ ᠳ᠋ᠦᢉᠡᠷ ᠵᠦᠶᠢᠯ᠃ᠵᠥᠷᠢᠴᠡᠯ ᠦ᠋ᠨ ᠲᠤᠬᠠᠢ ᠬᠠᠤᠯᠢ ᠶ᠋ᠢᠨ ᠗᠂᠘ ᠳ᠋ᠤᠭᠠᠷ ᠵᠦᠶᠢᠯ ᠳ᠋ᠦ ᠳᠣᠣᠷ ᠠ ᠳᠤᠷᠠᠳᠤᠭᠰᠠᠨ ᠠᠭᠤᠯᠭ ᠠ ᠲᠠᠢ ᠖ ᠳ᠋ᠠᢈᠢ ᢈᠡᠰᠡᢉ ᠨᠡᠮᠡᠰᠦᢉᠡᠢ:
«᠖᠂ᠠᠯᠪᠠᠨ ᠶᠣᠰᠤᠨ ᠤ᠋ ᠰᠣᠷᠢᠯᠲᠠ᠂ ᠲᠤᠷᠰᠢᠯᠲᠠ᠂ ᠰᠢᠨᠵᠢᠯᠡᢈᠦ ᠤᠬᠠᠭᠠᠨ᠂ ᠰᠤᠷᠭᠠᠯᠲᠠ ᠶ᠋ᠢᠨ ᠵᠣᠷᠢᠯᠭ ᠠ ᠪᠠᠷ ᠰᠣᠷᠲ ᠰᠣᠩᠭᠤᠬᠤ᠂ ᠪᠦᠲᠦᢉᠡᢈᠦ ᠳ᠋ᠦ ᠠᠰᠢᠭᠯᠠᠬᠤ ᠡᠴᠠ
ᠪᠤᠰᠤᠳ ᠲᠣᢈᠢᠶᠠᠯᠳᠤᠯ ᠳ᠋ᠤ ᢈᠦᠨᠦᢉᠡᠯᠲᠦ ᠣᠷᠭᠠᠨᠢᠰᠮ ᠢ᠋ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠨᠤᠲᠤᠭ ᠳᠡᠪᠢᠰᢈᠡᠷ ᠲᠦ ᠨᠡᠪᠲᠡᠷᠡᢉᠦᠯᠦᢉᠰᠡᠨ᠂ ᠨᠡᢉᠦᠯᢉᠡᠨ ᠰᠢᠯᠵᠢᢉᠦᠯᠦᢉᠰᠡᠨ᠂ ᠬᠠᠳᠠᠭᠠᠯᠠᠭᠰᠠᠨ᠂
ᠦᠷᠡᠵᠢᢉᠦᠯᠦᢉᠰᠡᠨ᠂ ᠲᠠᠷᠠᠭᠠᠭᠰᠠᠨ ᠪᠤᠯ ᢈᠦᠮᠦᠨ ᠢ᠋ ᠨᠢᢉᠡ ᠵᠠᠭᠤᠨ ᠨᠢᢉᠡᠴᠡ ᠲᠡᠢ ᠲᠡᠩᠴᠡᢈᠦ ᢈᠡᠮᠵᠢᠶᠡᠨ ᠦ᠋ ᠲᠥᢉᠦᠷᠢᢉ ᠢ᠋ᠶᠡᠷ᠂ ᠬᠠᠤᠯᠢ ᠶ᠋ᠢᠨ ᠡᠲᠡᢉᠡᠳ ᠢ᠋ ᠨᠢᢉᠡ ᠮᠢᠩᠭᠠᠨ
ᠨᠢᢉᠡᠴᠡ ᠲᠡᠢ ᠲᠡᠩᠴᠡᢈᠦ ᢈᠡᠮᠵᠢᠶᠡᠨ ᠦ᠋ ᠲᠥᢉᠦᠷᠢᢉ ᠢ᠋ᠶᠡᠷ ᠲᠣᠷᠭᠠᠨ ᠠ᠃»
᠒ ᠳ᠋ᠤᠭᠠᠷ ᠵᠦᠶᠢᠯ᠃ᠵᠥᠷᠢᠴᠡᠯ ᠦ᠋ᠨ ᠲᠤᠬᠠᠢ ᠬᠠᠤᠯᠢ ᠶ᠋ᠢᠨ ᠗᠂᠘ ᠳ᠋ᠤᠭᠠᠷ ᠵᠦᠶᠢᠯ ᠦ᠋ᠨ ᠓᠂᠕ ᠳ᠋ᠠᢈᠢ ᠵᠢᠭᠠᠯᠲᠠ ᠶ᠋ᠢᠨ «ᢈᠡᠷᠡᢉᠯᠡᢈᠦ» ᢉᠡᠰᠡᠨ ᠤ᠋ ᠳᠠᠷᠠᠭ ᠠ «ᠵᠢᠭᠠᠪᠤᠷᠢ᠂»
ᢉᠡᠵᠦ ᠨᠡᠮᠡᠰᠦᢉᠡᠢ᠃
᠓ ᠳ᠋ᠤᠭᠠᠷ ᠵᠦᠶᠢᠯ᠃ᠵᠥᠷᠢᠴᠡᠯ ᠦ᠋ᠨ ᠲᠤᠬᠠᠢ ᠬᠠᠤᠯᠢ ᠶ᠋ᠢᠨ ᠗᠂᠘ ᠳ᠋ᠤᠭᠠᠷ ᠵᠦᠶᠢᠯ ᠦ᠋ᠨ ᠭᠠᠷᠴᠠᠭ ᠤ᠋ᠨ «ᠤᠷᠭᠤᠮᠠᠯ ᠬᠠᠮᠠᠭᠠᠯᠠᠯ ᠤ᠋ᠨ ᠲᠤᠬᠠᠢ» ᢉᠡᠰᠡᠨ ᠢ᠋ «ᠤᠷᠭᠤᠮᠠᠯ ᠤ᠋ᠨ
ᠡᠷᠡᢉᠦᠯ ᠮᠡᠨᠳᠦ᠂ ᠤᠷᠭᠤᠮᠠᠯ ᠬᠠᠮᠠᠭᠠᠯᠠᠯ ᠤ᠋ᠨ ᠲᠤᠬᠠᠢ» ᢉᠡᠵᠦ᠂ ᠮᠥᠨ ᠵᠦᠶᠢᠯ ᠦ᠋ᠨ ᠑ ᠳ᠋ᠡᢈᠢ ᢈᠡᠰᠡᢉ ᠦ᠋ᠨ «ᠡᠪᠠᠳᠴᠢᠨ᠂ ᢈᠦᠨᠦᢉᠡᠯᠲᠦ ᠰᠢᠪᠠᠵᠢ᠂ ᠮᠡᠷᠡᢉᠴᠢ ᠠᠮᠢᠲᠠᠨ᠂ ᠬᠣᠭ
ᠤᠷᠭᠤᠮᠠᠯ ᠲᠠᠢ» ᢉᠡᠰᠡᠨ ᠢ᠋ «ᢈᠦᠨᠦᢉᠡᠯᠲᠦ ᠣᠷᠭᠠᠨᠢᠰᠮ ᠲᠠᠢ» ᢉᠡᠵᠦ᠂ ᠒ ᠳ᠋ᠠᢈᠢ ᢈᠡᠰᠡᢉ ᠦ᠋ᠨ «ᠤᠷᠭᠤᠮᠠᠯ ᠤ᠋ᠨ ᠡᠪᠠᠳᠴᠢᠨ᠂ ᢈᠦᠨᠦᢉᠡᠯᠲᠦ ᠰᠢᠪᠠᠵᠢ᠂ ᠮᠡᠷᠡᢉᠴᠢ ᠠᠮᠢᠲᠠᠨ᠂ ᠬᠣᠭ
ᠤᠷᠭᠤᠮᠠᠯ ᠤᠰᠠᠳᠬᠠᠬᠤ ᠠᠵᠢᠯ ᢉᠦᠢᠴᠡᠳᢈᠡᢉᠰᠡᠨ ᠲᠠᠯᠠᠪᠠᠢ ᠳ᠋ᠤ ᠬᠣᠷᠢᠭᠠᠨ ᠤ᠋ ᠬᠤᠭᠤᠴᠠᠭ ᠠ ᠳᠠᠭᠤᠰᠤᠭ ᠠ ᠦᢉᠡᠢ ᠪᠠᠶᠢᠬᠤ ᠳ᠋ᠤ ᠠᠵᠤ ᠠᠬᠤᠢ ᠶ᠋ᠢᠨ᠂ ᠡᠰᠡᢈᠦᠯ ᠠ ᠪᠤᠰᠤᠳ ᠤᠶᠢᠯᠡ
ᠠᠵᠢᠯᠯᠠᠭ ᠠ ᠶᠠᠪᠤᠭᠤᠯᠵᠤ ᠤᠷᠭᠤᠮᠠᠯ᠂ ᠬᠣᠷᠢᠭ ᠠ ᠴᠡᢉᠡᠷ ᠦ᠋ᠨ ᠳᠢᢉᠯᠢᠮ» ᢉᠡᠰᠡᠨ ᠢ᠋ «ᠤᠷᠭᠤᠮᠠᠯ ᠤ᠋ᠨ ᠬᠣᠷᠢᠭ ᠠ ᠴᠡᢉᠡᠷ ᠲᠣᠭᠲᠠᠭᠠᠭᠰᠠᠨ ᠦᠶ ᠡ ᠳ᠋ᠦ ᠪᠠᠷᠢᠮᠲᠠᠯᠠᠬᠤ ᠵᠢᠷᠤᠮ ᠢ᠋»
ᢉᠡᠵᠦ᠂ ᠓ ᠳ᠋ᠠᢈᠢ ᢈᠡᠰᠡᢉ ᠦ᠋ᠨ «ᠪᠤᠳᠠᠰ» ᢉᠡᠰᠡᠨ ᠢ᠋«ᠪᠦᠲᠦᢉᠡᢉᠳᠡᢈᠦᠨ» ᢉᠡᠵᠦ᠂ ᠮᠥᠨ ᢈᠡᠰᠡᢉ ᠦ᠋ᠨ ᠓᠂᠔ ᠳ᠋ᠡᢈᠢ ᠵᠢᠭᠠᠯᠲᠠ ᠶ᠋ᠢᠨ «ᠪᠤᠷᠤᠯᠠᠭᠤᠯᠬᠤ» ᢉᠡᠰᠡᠨ ᠢ᠋ «ᠬᠤᠳᠠᠯᠳᠤᠭᠠᠯᠠᠬᠤ»
ᢉᠡᠵᠦ᠂ ᠔ ᠳ᠋ᠡᢈᠢ ᢈᠡᠰᠡᢉ ᠦ᠋ᠨ ᠪᠤᠯᠤᠨ ᠑᠓᠂᠑ ᠳ᠋ᠣᢉᠡᠷ ᠵᠦᠶᠢᠯ ᠦ᠋ᠨ ᠓᠂᠒ ᠳ᠋ᠠᢈᠢ ᠵᠢᠭᠠᠯᠲᠠ ᠶ᠋ᠢᠨ «ᠡᠪᠠᠳᠴᠢᠨ᠂ ᢈᠦᠨᠦᢉᠡᠯᠲᠦ ᠰᠢᠪᠠᠵᠢ᠂ ᠮᠡᠷᠡᢉᠴᠢ ᠠᠮᠢᠲᠠᠨ᠂ ᠬᠣᠭ ᠤᠷᠭᠤᠮᠠᠯ» ᢉᠡᠰᠡᠨ ᠢ᠋
«ᢈᠦᠨᠦᢉᠡᠯᠲᠦ ᠣᠷᠭᠠᠨᠢᠰᠮ» ᢉᠡᠵᠦ ᠲᠤᠰ ᠲᠤᠰ ᠥᢉᠡᠷᠡᠴᠢᠯᠡᠰᠦᢉᠡᠢ᠃
᠔ ᠳ᠋ᠦᢉᠡᠷ ᠵᠦᠶᠢᠯ᠃ᠡᠨᠡ ᠬᠠᠤᠯᠢ ᠶ᠋ᠢ ᠤᠷᠭᠤᠮᠠᠯ ᠤ᠋ᠨ ᠡᠷᠡᢉᠦᠯ ᠮᠡᠨᠳᠦ᠂ ᠤᠷᠭᠤᠮᠠᠯ ᠬᠠᠮᠠᠭᠠᠯᠠᠯ ᠤ᠋ᠨ ᠲᠤᠬᠠᠢ ᠬᠠᠤᠯᠢ /ᠰᠢᠨᠡᠴᠢᠯᠡᢉᠰᠡᠨ ᠨᠠᠶᠢᠷᠠᠭᠤᠯᠭ ᠠ/ ᢈᠦᠴᠦᠨ ᠲᠡᢉᠦᠯᠳᠡᠷ
ᠪᠤᠯᠤᠭᠰᠠᠨ ᠡᠳᠦᠷ ᠡᠴᠡ ᠡᢈᠢᠯᠡᠨ ᠳᠠᠭᠠᠵᠤ ᠮᠥᠷᠳᠡᠨ ᠡ᠃
ᠮᠣᠩᠭᠤᠯ ᠤᠯᠤᠰ ᠤ᠋ᠨ
ᠶᠡᢈᠡ ᠬᠤᠷᠠᠯ ᠤ᠋ᠨ ᠳᠠᠷᠤᠭ ᠠ ᠭᠣ᠋᠂ᠽᠠᠨᠳᠠᠨᠰᠢᠲᠠᠷ ᠠ
Moehgo& Folo_ oa HeolI