Иргэний хэрэг шүүхэд хянан шийдвэрлэх тухай хуульд нэмэлт, өөрчлөлт оруулах тухай
2024 оны 06 дугаар Улаанбаатар
сарын 05-ны өдөр хот
1 дүгээр зүйл.Иргэний хэрэг шүүхэд хянан шийдвэрлэх тухай
хуульд доор дурдсан агуулгатай дараах хэсэг нэмсүгэй:
1/7 дугаар зүйлийн 7.5-7.7 дахь хэсэг:
“7.5.Хэрэг хянан шийдвэрлэх ажиллагааны баримт бичиг, хэргийн
материал нь цаасан болон цахим хэлбэртэй байж болох бөгөөд шүүхийн цахим платформын шаардлагад нийцсэн байна. Цаасан баримт бичгийг шүүхийн захиргааны эрх бүхий ажилтан хөрвүүлж, тоон гарын үсгээр баталгаажуулна.
7.6.Хэрэг хянан шийдвэрлэх ажиллагаан дахь шүүхийн мэдэгдэх
хуудас, тэмдэглэл, шүүгчийн захирамж, шүүхийн тогтоол, шийдвэр зэрэг баримт бичгийг цахимаар хөтлөх, хэргийн оролцогч, тэдгээрийн төлөөлөгч, өмгөөлөгч, хуульд заасан бусад этгээдэд танилцуулах, гардуулах, эрх, үүрэг тайлбарлах, нэхэмжлэл, хариу тайлбар, сөрөг нэхэмжлэл, бие даасан шаардлага, хэргийн оролцогч, тэдгээрийн төлөөлөгч, өмгөөлөгчийн хүсэлт, нотлох баримтыг танилцуулах ажиллагааг шүүхийн цахим платформыг ашиглан цахимаар явуулж болно.
7.7.Хэргийн оролцогчтой цахимаар харилцахад төрийн
байгууллага, албан тушаалтны албаны цахим шуудан, албан бичиг солилцооны дундын систем, мэдэгдэл хүргэх систем, төрийн үйлчилгээний нэгдсэн систем, мэдэгдэл хүргэх системд иргэний, эсхүл хуулийн этгээдийн хувьд түүнийг итгэмжлэлгүй төлөөлөх эрх бүхий этгээдийн бүртгэлийн дугаар бүхий үндэсний цахим шуудангийн хаягаар, өмгөөлөгчийн Монголын Өмгөөлөгчдийн Холбооны цахим системд бүртгүүлж холбогдсон цахим шууданг ашиглана.”
2/38 дугаар зүйлийн 38.11-38.13 дахь хэсэг:
“38.11.Тоон гарын үсэг бүхий цахим баримтыг тоон гарын
үсгийг эзэмшигч үйлдээгүй талаар үндэслэл бүхий тодорхой шалтгаан дурдсанаас бусад тохиолдолд уг цахим баримтын жинхэнэ эсэх талаар маргахгүй.
38.12.Шүүх зохигч аль нэг талын хүсэлтээр цахим баримт хуурамч
эсэхийг тогтоохоор шинжээч томилох, хуурамч эсэх эргэлзээг арилгахаар бусад нотлох баримтыг шаардан гаргуулж болно.
38.13.Шүүх хуурамч цахим баримтыг нийтийн эрх ашигт сөргөөр
нөлөөлөх, эсхүл баримтыг төрийн эрх бүхий байгууллагад зайлшгүй шилжүүлэх шаардлагатайгаас бусад тохиолдолд хавтаст хэрэгт үлдээнэ. Шүүх энэ хуулийн 38.12-т заасан шинжээчийн дүгнэлтээр хуурамч гэж тогтоогдсон нотлох баримтын талаар прокурорын байгууллагад мэдээлнэ.”
3/753 дугаар зүйлийн 753.4, 753.5 дахь хэсэг:
“753.4.Энэ хуулийн 7.5, 7.6-д заасан, шүүхэд ирүүлсэн болон
шүүхийн бэлтгэсэн цахим баримтыг шүүх хэвлэмэл байдлаар хадгална. Цахим баримтаас цаасан хавтаст хэргийг үүсгэхдээ баримт бичгийг шүүхэд ирүүлсэн, хэвлэсэн огноо, хэвлэсэн ажилтны талаарх мэдээллийг тухайн ажилтны тоон гарын үсгээр баталгаажуулан хавсаргана. Цахим баримт нь шүүхийн цахим мэдээллийн санд бичлэг хэлбэрээр байршсан, мэдээллийн аюулгүй байдал хамгаалагдсан бол тухайн байдлаар нь хэрэгт хавсаргаж болно.
753.5.Шүүх хавтаст хэргийг бүхэлд нь, эсхүл хэсэгчлэн цахим
хэлбэрээр эрхлэн хөтөлж болно. Цаасан хэлбэрээр шүүхэд ирүүлсэн баримтыг хэрэг хянан шийдвэрлэх цахим ажиллагаанд тавигдах техникийн шаардлагад нийцүүлэн хөрвүүлнэ. Цаасан баримтыг хөрвүүлсэн огноо, ажилтны талаарх мэдээллийг хавсаргаж, хөрвүүлсэн ажилтан тоон гарын үсгээ зурсан байна.”
4/756 дугаар зүйлийн 756.4 дэх хэсэг:
“756.4.Хэргийн оролцогч цахим баримтыг шүүхийн мэдээллийн
системийн техникийн шаардлагыг хангуулан дараах аргаар шүүхэд гаргаж болно:
756.4.1.шүүхийн мэдээллийн системд өөрийн эрхээр
нэвтрэн байршуулах;
756.4.2.хэргийн оролцогч шүүхтэй харилцахаар сонгосон
цахим шуудангийн хаяг.”
2 дугаар зүйл.Иргэний хэрэг шүүхэд хянан шийдвэрлэх тухай
хуулийн 754.2 дахь хэсгийн “үндэсний цахим шуудангийн хаягаар” гэсний
дараа “, өмгөөлөгчийн Монголын Өмгөөлөгчдийн Холбооны цахим системд бүртгүүлж холбогдсон цахим шуудангийн хаягаар” гэж нэмсүгэй.
3 дугаар зүйл.Иргэний хэрэг шүүхэд хянан шийдвэрлэх тухай
хуулийн 8 дугаар зүйлийг доор дурдсанаар өөрчлөн найруулсугай:
“8 дугаар зүйл.Шүүх хуралдаан, хэрэг хянан шийдвэрлэх бусад ажиллагааг нээлттэй явуулах
8.1.Төрийн нууцад хамаарах хэрэг хянан шийдвэрлэхээс бусад
шүүхийн хэлэлцүүлэг, шүүх хуралдааныг нээлттэй явуулна.
8.2.Хэргийг шийдвэрлэж байгаа шүүгч, шүүх бүрэлдэхүүн дараах
тохиолдолд хэрэг хянан шийдвэрлэх ажиллагаа, шүүх хуралдааныг бүхэлд нь, эсхүл зарим хэсгийг хаалттай явуулахаар, эсхүл хэрэгт авагдсан нотлох баримтыг олон нийтэд мэдээлэхгүй талаар шийдвэр гаргаж болно.
8.2.1.хэрэг хянан шийдвэрлэх ажиллагаанд насанд
хүрээгүй гэрч, хохирогч оролцож байгаа бол шүүх өөрийн санаачилгаар;
8.2.2.нээлттэй ил тод байх нь хүний үндсэн эрхэд ноцтой
хохирол учруулж болзошгүй талаар хэргийн оролцогчийн гаргасан хүсэлт тайлбарыг шүүх үндэслэлтэй гэж үзсэн;
8.2.3.цаашид үргэлжлэх хэрэг хянан шийдвэрлэх
ажиллагаанд ноцтой хохирол учруулах үндэслэлтэй гэж үзвэл.
8.3.Энэ хуулийн 8.2-т заасан шийдвэр нь шүүгчийн захирамж,
шүүхийн тогтоол хэлбэртэй байна. Уг шийдвэрийг эс зөвшөөрвөл хэргийн оролцогч гомдол, хэвлэл мэдээллийн байгууллага, сэтгүүлч, сонирхогч бусад этгээд хүсэлт гаргах эрхтэй.
8.4.Энэ хуулийн 8.2-т заасны дагуу шийдвэрлэсэн хэргийн үйл
баримт, нотлох баримтын талаар олж мэдсэн хэргийн оролцогч, хэвлэл мэдээллийн байгууллага, сэтгүүлч, бусад этгээд уг үйл баримт, нотлох баримтын талаар олон нийтэд түгээх, хэвлэн нийтлэх, аливаа байдлаар нийтэд дэлгэхийг хориглоно.
8.5.Иргэний эрх зүйн чадамжгүй, согтуурсан, мансуурсан, 18
насанд хүрээгүй хэргийн оролцогч биш этгээдээс бусад хүн нээлттэй шүүх хуралдааныг хөндлөнгөөс ажиглах зорилгоор шүүх хуралдааны танхимд чөлөөтэй нэвтрэн орох эрхтэй. Шүүх хуралдаан хөндлөнгөөс ажиглагч этгээд нь шүүх хуралдаанд оролцох дэг, журмыг баримтална.”
4 дүгээр зүйл.Иргэний хэрэг шүүхэд хянан шийдвэрлэх тухай
хуулийн 754 дүгээр зүйлийн гарчгийн “Мэдэгдэх хуудсыг хүргүүлэх” гэснийг “Мэдэгдэх хуудас, хэрэг хянан шийдвэрлэх ажиллагааны тэмдэглэл” гэж өөрчилсүгэй.
5 дугаар зүйл.Энэ хуулийг 2025 оны 01 дүгээр сарын 01-ний
өдрөөс эхлэн дагаж мөрдөнө.
᠒᠐᠒᠔ ᠣᠨ ᠤ᠋ ᠐᠖ ᠳ᠋ᠣᠭᠠᠷ ᠰᠠᠷ ᠠ ᠶ᠋ᠢᠨ ᠐᠕᠆ᠤ᠋ ᠠ᠋ᠳᠦᠷ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ
ᠢᠷᢉᠡᠨ ᠦ᠋ ᢈᠡᠷᠡᢉ ᠰᠢᢉᠦᢈᠦ ᠳ᠋ᠦ ᢈᠢᠨᠠᠨ
ᠰᠢᠢᠳᠪᠤᠷᠢᠯᠡᢈᠦ ᠲᠤᠬᠠᠢ ᠬᠠᠤᠯᠢ ᠳ᠋ᠤ
ᠨᠡᠮᠡᠯᠲᠡ᠂ ᠥᢉᠡᠷᠡᠴᠢᠯᠡᠯᠲᠡ
ᠣᠷᠤᠭᠤᠯᠬᠤ ᠲᠤᠬᠠᠢ
᠑ ᠳ᠋ᠦᢉᠡᠷ ᠵᠦᠶᠢᠯ᠃ᠢᠷᢉᠡᠨ ᠦ᠋ ᢈᠡᠷᠡᢉ ᠰᠢᢉᠦᢈᠦ ᠳ᠋ᠦ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠲᠤᠬᠠᠢ ᠬᠠᠤᠯᠢ ᠳ᠋ᠤ ᠳᠣᠣᠷ ᠠ ᠳᠤᠷᠠᠳᠤᠭᠰᠠᠨ ᠠᠭᠤᠯᠭ ᠠ ᠲᠠᠢ ᠳᠠᠷᠠᠭᠠᢈᠢ ᢈᠡᠰᠡᢉ
ᠨᠡᠮᠡᠰᠦᢉᠡᠢ:
᠑/᠗ ᠳ᠋ᠤᠭᠠᠷ ᠵᠦᠶᠢᠯ ᠦ᠋ᠨ ᠗᠂᠕᠆ ᠗᠂᠗ ᠳ᠋ᠠᢈᠢ ᢈᠡᠰᠡᢉ:
«᠗᠂᠕᠂ᢈᠡᠷᠡᢉ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠠᠵᠢᠯᠯᠠᠭᠠᠨ ᠤ᠋ ᠪᠠᠷᠢᠮᠲᠠ ᠪᠢᠴᠢᢉ᠂ ᢈᠡᠷᠡᢉ ᠦ᠋ᠨ ᠮᠠᠲ᠋ᠧᠷᠢᠠᠯ ᠨᠢ ᠴᠠᠭᠠᠰᠤᠨ ᠪᠤᠯᠤᠨ ᠴᠠᢈᠢᠮ ᢈᠡᠯᠪᠠᠷᠢ ᠲᠡᠢ ᠪᠠᠶᠢᠵᠤ ᠪᠤᠯᠬᠤ
ᠪᠦᢉᠡᠳ ᠰᠢᢉᠦᢈᠦ ᠶ᠋ᠢᠨ ᠴᠠᢈᠢᠮ ᠫᠯᠠᠲ᠋ᠹᠤᠷᠮ ᠤ᠋ᠨ ᠱᠠᠭᠠᠷᠳᠠᠯᠭ ᠠ ᠳ᠋ᠤ ᠨᠡᠶᠢᠴᠡᢉᠰᠡᠨ ᠪᠠᠶᠢᠨ ᠠ᠃ ᠴᠠᠭᠠᠰᠤᠨ ᠪᠠᠷᠢᠮᠲᠠ ᠪᠢᠴᠢᢉ ᠢ᠋ ᠰᠢᢉᠦᢈᠦ ᠶ᠋ᠢᠨ ᠵᠠᢈᠢᠷᠭᠠᠨ ᠤ᠋ ᠠ᠋ᠷᢈᠡ ᠪᠦᢈᠦᠢ ᠠᠵᠢᠯᠲᠠᠨ
ᢈᠦᠷᠪᠠᢉᠦᠯᠵᠦ᠂ ᠲᠣᠭᠠᠨ ᠭᠠᠷ ᠤ᠋ᠨ ᠦᠰᠦᢉ ᠢ᠋ᠶᠡᠷ ᠪᠠᠲᠤᠯᠠᠭᠠᠵᠢᠭᠤᠯᠤᠨ ᠠ᠃
᠗᠂᠖᠂ᢈᠡᠷᠡᢉ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠠᠵᠢᠯᠯᠠᠭᠠᠨ ᠳ᠋ᠠᢈᠢ ᠰᠢᢉᠦᢈᠦ ᠶ᠋ᠢᠨ ᠮᠡᠳᠡᢉᠳᠡᢈᠦ ᠬᠠᠭᠤᠳᠠᠰᠤ᠂ ᠲᠡᠮᠳᠡᢉᠯᠡᠯ᠂ ᠰᠢᢉᠦᢉᠴᠢ ᠶ᠋ᠢᠨ ᠵᠠᢈᠢᠷᠤᠮᠵᠢ᠂ ᠰᠢᢉᠦᢈᠦ ᠶ᠋ᠢᠨ
ᠲᠣᠭᠲᠠᠭᠠᠯ᠂ ᠰᠢᠢᠳᠪᠤᠷᠢ ᠵᠡᠷᢉᠡ ᠪᠠᠷᠢᠮᠲᠠ ᠪᠢᠴᠢᢉ ᠢ᠋ ᠴᠠᢈᠢᠮ ᠢ᠋ᠶᠠᠷ ᢈᠦᠲᠦᠯᢈᠦ᠂ ᢈᠡᠷᠡᢉ ᠦ᠋ᠨ ᠣᠷᠤᠯᠴᠠᠭᠴᠢ᠂ ᠲᠡᠳᠡᢉᠡᠷ ᠦ᠋ᠨ ᠲᠥᠯᠦᢉᠡᠯᠡᢉᠴᠢ᠂ ᠥᠮᠦᢉᠡᠯᠡᢉᠴᠢ᠂ ᠬᠠᠤᠯᠢ ᠳ᠋ᠤ
ᠵᠢᠭᠠᠭᠰᠠᠨ ᠪᠤᠰᠤᠳ ᠠ᠋ᠲᠡᢉᠡᠳ ᠲᠦ ᠲᠠᠨᠢᠯᠴᠠᠭᠤᠯᠬᠤ᠂ ᠭᠠᠷᠳᠠᠭᠤᠯᠬᠤ᠂ ᠠ᠋ᠷᢈᠡ᠂ ᠠ᠋ᢉᠦᠷᢉᠡ ᠲᠠᠶᠢᠯᠪᠤᠷᠢᠯᠠᠬᠤ᠂ ᠨᠡᢈᠡᠮᠵᠢᠯᠡᠯ᠂ ᠬᠠᠷᠢᠭᠤ ᠲᠠᠶᠢᠯᠪᠤᠷᠢ᠂ ᠰᠥᠷᢉᠦ ᠨᠡᢈᠡᠮᠵᠢᠯᠡᠯ᠂ ᠪᠠᠶ ᠡ
ᠳᠠᠭᠠᠭᠠᠭᠰᠠᠨ ᠱᠠᠭᠠᠷᠳᠠᠯᠭ ᠠ᠂ ᢈᠡᠷᠡᢉ ᠦ᠋ᠨ ᠣᠷᠤᠯᠴᠠᠭᠴᠢ᠂ ᠲᠡᠳᠡᢉᠡᠷ ᠦ᠋ᠨ ᠲᠥᠯᠦᢉᠡᠯᠡᢉᠴᠢ᠂ ᠥᠮᠦᢉᠡᠯᠡᢉᠴᠢ ᠶ᠋ᠢᠨ ᢈᠦᠰᠡᠯᠲᠡ᠂ ᠨᠣᠲᠠᠯᠠᠬᠤ ᠪᠠᠷᠢᠮᠲᠠ ᠶ᠋ᠢ ᠲᠠᠨᠢᠯᠴᠠᠭᠤᠯᠬᠤ
ᠠᠵᠢᠯᠯᠠᠭ ᠠ ᠶ᠋ᠢ ᠰᠢᢉᠦᢈᠦ ᠶ᠋ᠢᠨ ᠴᠠᢈᠢᠮ ᠫᠯᠠᠲ᠋ᠹᠤᠷᠮ ᠢ᠋ ᠠᠰᠢᠭᠯᠠᠨ ᠴᠠᢈᠢᠮ ᠢ᠋ᠶᠠᠷ ᠶᠠᠪᠤᠭᠤᠯᠵᠤ ᠪᠤᠯᠤᠨ ᠠ᠃
᠗᠂᠗᠂ᢈᠡᠷᠡᢉ ᠦ᠋ᠨ ᠣᠷᠤᠯᠴᠠᠭᠴᠢ ᠲᠠᠢ ᠴᠠᢈᠢᠮ ᠢ᠋ᠶᠠᠷ ᠬᠠᠷᠢᠯᠴᠠᠬᠤ ᠳ᠋ᠤ ᠲᠥᠷᠦ ᠶ᠋ᠢᠨ ᠪᠠᠶᠢᠭᠤᠯᠤᠯᠭ ᠠ᠂ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠤ᠋ ᠠᠯᠪᠠᠨ ᠤ᠋ ᠴᠠᢈᠢᠮ ᠰᠢᠤᠳᠠᠨ᠂
ᠠᠯᠪᠠᠨ ᠪᠢᠴᠢᢉ ᠰᠣᠯᠢᠯᠴᠠᠭᠠᠨ ᠤ᠋ ᠳᠤᠮᠳᠠ ᠶ᠋ᠢᠨ ᠰᠢᠰᠲ᠋ᠧᠮ᠂ ᠮᠡᠳᠡᢉᠳᠡᠯ ᢈᠦᠷᢈᠡᢈᠦ ᠰᠢᠰᠲ᠋ᠧᠮ᠂ ᠲᠥᠷᠦ ᠶ᠋ᠢᠨ ᠦᠢᠯᠡᠴᠢᠯᠡᢉᠡᠨ ᠦ᠋ ᠨᠢᢉᠡᠳᠦᢉᠰᠡᠨ ᠰᠢᠰᠲ᠋ᠧᠮ᠂ ᠮᠡᠳᠡᢉᠳᠡᠯ ᢈᠦᠷᢈᠡᢈᠦ
ᠰᠢᠰᠲ᠋ᠧᠮ ᠳ᠋ᠦ ᠢᠷᢉᠡᠨ ᠦ᠋᠂ ᠠ᠋ᠰᠡᢈᠦᠯ ᠡ ᠬᠠᠤᠯᠢ ᠶ᠋ᠢᠨ ᠠ᠋ᠲᠡᢉᠡᠳ ᠦ᠋ᠨ ᠬᠤᠪᠢ ᠳ᠋ᠤ ᠲᠡᢉᠦᠨ ᠢ᠋ ᠢᠲᠡᢉᠡᠮᠵᠢᠯᠡᠯ ᠦᢉᠡᠢ ᠲᠥᠯᠦᢉᠡᠯᠡᢈᠦ ᠠ᠋ᠷᢈᠡ ᠪᠦᢈᠦᠢ ᠠ᠋ᠲᠡᢉᠡᠳ ᠦ᠋ᠨ ᠪᠦᠷᠢᠳᢈᠡᠯ ᠦ᠋ᠨ
ᠳ᠋ᠤᠭᠠᠷ ᠪᠦᢈᠦᠢ ᠦᠨᠳᠦᠰᠦᠨ ᠦ᠋ ᠴᠠᢈᠢᠮ ᠰᠢᠤᠳᠠᠨ ᠤ᠋ ᠬᠠᠶᠢᠭ ᠢ᠋ᠶᠠᠷ᠂ ᠥᠮᠦᢉᠡᠯᠡᢉᠴᠢ ᠶ᠋ᠢᠨ ᠮᠣᠩᠭᠣᠯ ᠤ᠋ᠨ ᠥᠮᠦᢉᠡᠯᠡᢉᠴᠢᠳ ᠦ᠋ᠨ ᠬᠣᠯᠪᠤᠭᠠᠨ ᠤ᠋ ᠴᠠᢈᠢᠮ ᠰᠢᠰᠲ᠋ᠧᠮ ᠳ᠋ᠦ
ᠪᠦᠷᠢᠳᢈᠡᢉᠦᠯᠵᠦ ᠬᠣᠯᠪᠤᠭᠳᠠᠭᠰᠠᠨ ᠴᠠᢈᠢᠮ ᠰᠢᠤᠳᠠᠨ ᠢ᠋ ᠠᠰᠢᠭᠯᠠᠨ ᠠ᠃»
Moehgo& Folo_ oa HeolI
᠒/᠓᠘ ᠳ᠋ᠤᠭᠠᠷ ᠵᠦᠶᠢᠯ ᠦ᠋ᠨ ᠓᠘᠂᠑᠑ ᠆ ᠓᠘᠂᠑᠓ ᠳ᠋ᠠᢈᠢ ᢈᠡᠰᠡᢉ:
«᠓᠘᠂᠑᠑᠂ᠲᠣᠭᠠᠨ ᠭᠠᠷ ᠤ᠋ᠨ ᠦᠰᠦᢉ ᠪᠦᢈᠦᠢ ᠴᠠᢈᠢᠮ ᠪᠠᠷᠢᠮᠲᠠ ᠶ᠋ᠢ ᠲᠣᠭᠠᠨ ᠭᠠᠷ ᠤ᠋ᠨ ᠦᠰᠦᢉ ᠢ᠋ ᠠ᠋ᠵᠡᠮᠰᠢᢉᠴᠢ ᠤᠶᠢᠯᠡᠳᠦᢉᠡ ᠦᢉᠡᠢ ᠲᠠᠯ ᠡ ᠪᠠᠷ
ᠦᠨᠳᠦᠰᠦᠯᠡᠯ ᠪᠦᢈᠦᠢ ᠲᠣᠳᠤᠷᠬᠠᠢ ᠰᠢᠯᠲᠠᠭᠠᠨ ᠳᠤᠷᠠᠳᠤᠭᠰᠠᠨ ᠠ᠋ᠴᠠ ᠪᠤᠰᠤᠳ ᠲᠣᢈᠢᠶᠠᠯᠳᠤᠯ ᠳ᠋ᠤ ᠤᠭ ᠴᠠᢈᠢᠮ ᠪᠠᠷᠢᠮᠲᠠ ᠶ᠋ᠢᠨ ᠵᠢᠩᢈᠢᠨᠢ ᠠ᠋ᠰᠡᢈᠦ ᠲᠠᠯ ᠡ ᠪᠠᠷ ᠮᠠᠷᠭᠤᠬᠤ ᠦᢉᠡᠢ᠃
᠓᠘᠂᠑᠒᠂ᠰᠢᢉᠦᢈᠦ ᠵᠣᢈᠢᠭᠴᠢ ᠠᠯᠢ ᠨᠢᢉᠡ ᠲᠠᠯ ᠠ ᠶ᠋ᠢᠨ ᢈᠦᠰᠡᠯᠲᠡ ᠪᠠᠷ ᠴᠠᢈᠢᠮ ᠪᠠᠷᠢᠮᠲᠠ ᠬᠠᠭᠤᠷᠮᠠᠴᠢ ᠠ᠋ᠰᠡᢈᠦ ᠶ᠋ᠢ ᠲᠣᠭᠲᠠᠭᠠᠬᠤ ᠪᠠᠷ ᠰᠢᠨᠵᠢᢉᠡᠴᠢ ᠲᠣᠮᠢᠯᠠᠬᠤ᠂
ᠬᠠᠭᠤᠷᠮᠠᠴᠢ ᠠ᠋ᠰᠡᢈᠦ ᠠ᠋ᠷᠡᢉᠡᠯᠵᠡᢉᠡ ᠶ᠋ᠢ ᠠᠷᠢᠯᠭᠠᠬᠤ ᠪᠠᠷ ᠪᠤᠰᠤᠳ ᠨᠣᠲᠠᠯᠠᠬᠤ ᠪᠠᠷᠢᠮᠲᠠ ᠶ᠋ᠢ ᠱᠠᠭᠠᠷᠳᠠᠨ ᠭᠠᠷᠭᠠᠭᠤᠯᠵᠤ ᠪᠤᠯᠤᠨ ᠠ᠃
᠓᠘᠂᠑᠓᠂ᠰᠢᢉᠦᢈᠦ ᠬᠠᠭᠤᠷᠮᠠᠴᠢ ᠴᠠᢈᠢᠮ ᠪᠠᠷᠢᠮᠲᠠ ᠶ᠋ᠢ ᠨᠡᠶᠢᠲᠡ ᠶ᠋ᠢᠨ ᠠ᠋ᠷᢈᠡ ᠠᠰᠢᠭ ᠲᠤ ᠰᠥᠷᢉᠦ ᠪᠠᠷ ᠨᠥᠯᠦᢉᠡᠯᠡᢈᠦ᠂ ᠠ᠋ᠰᠡᢈᠦᠯ ᠡ ᠪᠠᠷᠢᠮᠲᠠ ᠶ᠋ᠢ ᠲᠥᠷᠦ ᠶ᠋ᠢᠨ ᠠ᠋ᠷᢈᠡ
ᠪᠦᢈᠦᠢ ᠪᠠᠶᠢᠭᠤᠯᠤᠯᠭ ᠠ ᠳ᠋ᠤ ᠵᠠᠶᠢᠯᠠᠰᠢ ᠦᢉᠡᠢ ᠰᠢᠯᠵᠢᢉᠦᠯᢈᠦ ᠱᠠᠭᠠᠷᠳᠠᠯᠭ ᠠ ᠲᠠᠢ ᠠ᠋ᠴᠠ ᠪᠤᠰᠤᠳ ᠲᠣᢈᠢᠶᠠᠯᠳᠤᠯ ᠳ᠋ᠤ ᠬᠠᠪᠲᠠᠰᠤᠲᠤ ᢈᠡᠷᠡᢉ ᠲᠦ ᠦᠯᠡᠳᠡᢉᠡᠨ ᠡ᠃ ᠰᠢᢉᠦᢈᠦ ᠠ᠋ᠨᠡ
ᠬᠠᠤᠯᠢ ᠶ᠋ᠢᠨ ᠓᠘᠂᠑᠒᠆ ᠲᠦ ᠵᠢᠭᠠᠭᠰᠠᠨ ᠰᠢᠨᠵᠢᢉᠡᠴᠢ ᠶ᠋ᠢᠨ ᠳ᠋ᠦᠩᠨᠡᠯᠲᠡ ᠪᠠᠷ ᠬᠠᠭᠤᠷᠮᠠᠴᠢ ᢉᠡᠵᠦ ᠲᠣᠭᠲᠠᠭᠠᠭᠳᠠᠭᠰᠠᠨ ᠨᠣᠲᠠᠯᠠᠬᠤ ᠪᠠᠷᠢᠮᠲᠠ ᠶ᠋ᠢᠨ ᠲᠠᠯ ᠡ ᠪᠠᠷ ᠫᠷᠤᠻᠦ᠋ᠷᠤᠷ ᠤ᠋ᠨ
ᠪᠠᠶᠢᠭᠤᠯᠤᠯᠭ ᠠ ᠳ᠋ᠤ ᠮᠡᠳᠡᢉᠡᠯᠡᠨ ᠡ᠃»
᠓/᠗᠕᠓ ᠳ᠋ᠤᠭᠠᠷ ᠵᠦᠢᠯ ᠦ᠋ᠨ ᠗᠕᠓᠂᠔᠂ ᠗᠕᠓᠂᠕ ᠳ᠋ᠠᢈᠢ ᢈᠡᠰᠡᢉ:
«᠗᠕᠓᠂᠔᠂ᠠ᠋ᠨᠡ ᠬᠠᠤᠯᠢ ᠶ᠋ᠢᠨ ᠗᠂᠕᠂ ᠗᠂᠖ ᠆ ᠳ᠋ᠤ ᠵᠢᠭᠠᠭᠰᠠᠨ᠂ ᠰᠢᢉᠦᢈᠦ ᠳ᠋ᠦ ᠢᠷᠡᢉᠦᠯᠦᢉᠰᠡᠨ ᠪᠤᠯᠤᠨ ᠰᠢᢉᠦᢈᠦ ᠶ᠋ᠢᠨ ᠪᠠᠯᠡᠳᢈᠡᢉᠰᠡᠨ ᠴᠠᢈᠢᠮ ᠪᠠᠷᠢᠮᠲᠠ ᠶ᠋ᠢ ᠰᠢᢉᠦᢈᠦ
ᢈᠡᠪᠯᠡᠮᠡᠯ ᠪᠠᠶᠢᠳᠠᠯ ᠢ᠋ᠶᠠᠷ ᠬᠠᠳᠠᠭᠠᠯᠠᠨ ᠠ᠃ ᠴᠠᢈᠢᠮ ᠪᠠᠷᠢᠮᠲᠠ ᠠ᠋ᠴᠠ ᠴᠠᠭᠠᠰᠤᠨ ᠬᠠᠪᠲᠠᠰᠤᠲᠤ ᢈᠡᠷᠡᢉ ᠢ᠋ ᠠ᠋ᢉᠦᠰᢈᠡᢈᠦ ᠳ᠋ᠦ ᠪᠠᠨ ᠪᠠᠷᠢᠮᠲᠠ ᠪᠢᠴᠢᢉ ᠢ᠋ ᠰᠢᢉᠦᢈᠦ ᠳ᠋ᠦ ᠢᠷᠡᢉᠦᠯᠦᢉᠰᠡᠨ᠂
ᢈᠡᠪᠯᠡᢉᠰᠡᠨ ᠣᠩᠨᠠᠭ ᠠ᠂ ᢈᠡᠪᠯᠡᢉᠰᠡᠨ ᠠᠵᠢᠯᠲᠠᠨ ᠤ᠋ ᠲᠠᠯᠠᠭᠠᠷᢈᠢ ᠮᠡᠳᠡᢉᠡᠯᠡᠯ ᠢ᠋ ᠲᠤᠬᠠᠢ ᠶ᠋ᠢᠨ ᠠᠵᠢᠯᠲᠠᠨ ᠤ᠋ ᠲᠣᠭᠠᠨ ᠭᠠᠷ ᠤ᠋ᠨ ᠦᠰᠦᢉ ᠢ᠋ᠶᠡᠷ ᠪᠠᠲᠤᠯᠠᠭᠠᠵᠢᠭᠤᠯᠤᠨ ᠬᠠᠪᠰᠤᠷᠭᠠᠨ ᠠ᠃
ᠴᠠᢈᠢᠮ ᠪᠠᠷᠢᠮᠲᠠ ᠨᠢ ᠰᠢᢉᠦᢈᠦ ᠶ᠋ᠢᠨ ᠴᠠᢈᠢᠮ ᠮᠡᠳᠡᢉᠡᠯᠡᠯ ᠦ᠋ᠨ ᠰᠠᠩ ᠳ᠋ᠤ ᠪᠢᠴᠢᠯᢉᠡ ᢈᠡᠯᠪᠠᠷᠢ ᠪᠠᠷ ᠪᠠᠶᠢᠷᠢᠰᠢᠭᠰᠠᠨ᠂ ᠮᠡᠳᠡᢉᠡᠯᠡᠯ ᠦ᠋ᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠬᠠᠮᠠᠭᠠᠯᠠᠭᠳᠠᠭᠰᠠᠨ ᠪᠤᠯ
ᠲᠤᠬᠠᠢ ᠶ᠋ᠢᠨ ᠪᠠᠶᠢᠳᠠᠯ ᠢ᠋ᠶᠠᠷ ᠨᠢ ᢈᠡᠷᠡᢉ ᠲᠦ ᠬᠠᠪᠰᠤᠷᠭᠠᠵᠤ ᠪᠤᠯᠤᠨ ᠠ᠃
᠗᠕᠓᠂᠕᠂ᠰᠢᢉᠦᢈᠦ ᠬᠠᠪᠲᠠᠰᠤᠲᠤ ᢈᠡᠷᠡᢉ ᠢ᠋ ᠪᠦᢈᠦᠯᠢ ᠳ᠋ᠦ ᠨᠢ᠂ ᠠ᠋ᠰᠡᢈᠦᠯ ᠡ ᢈᠡᠰᠡᢉᠴᠢᠯᠡᠨ ᠴᠠᢈᠢᠮ ᢈᠡᠯᠪᠠᠷᠢ ᠪᠠᠷ ᠠ᠋ᠷᢈᠢᠯᠡᠨ ᢈᠦᠲᠦᠯᠵᠦ ᠪᠤᠯᠤᠨ ᠠ᠃ ᠴᠠᠭᠠᠰᠤᠨ ᢈᠡᠯᠪᠠᠷᠢ ᠪᠠᠷ
ᠰᠢᢉᠦᢈᠦ ᠳ᠋ᠦ ᠢᠷᠡᢉᠦᠯᠦᢉᠰᠡᠨ ᠪᠠᠷᠢᠮᠲᠠ ᠶ᠋ᠢ ᢈᠡᠷᠡᢉ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠴᠠᢈᠢᠮ ᠠᠵᠢᠯᠯᠠᠭᠠᠨ ᠳ᠋ᠤ ᠲᠠᠯᠪᠢᠭᠳᠠᠬᠤ ᠲᠧᢈᠨᠢᢉ ᠦ᠋ᠨ ᠱᠠᠭᠠᠷᠳᠠᠯᠭ ᠠ ᠳ᠋ᠤ ᠨᠡᠶᠢᠴᠡᢉᠦᠯᠦᠨ ᢈᠦᠷᠪᠠᢉᠦᠯᠦᠨ ᠡ᠃
ᠴᠠᠭᠠᠰᠤᠨ ᠪᠠᠷᠢᠮᠲᠠ ᠶ᠋ᠢ ᢈᠦᠷᠪᠠᢉᠦᠯᠦᢉᠰᠡᠨ ᠣᠩᠨᠠᠭ ᠠ᠂ ᠠᠵᠢᠯᠲᠠᠨ ᠤ᠋ ᠲᠠᠯᠠᠭᠠᠷᢈᠢ ᠮᠡᠳᠡᢉᠡᠯᠡᠯ ᠢ᠋ ᠬᠠᠪᠰᠤᠷᠭᠠᠵᠤ᠂ ᢈᠦᠷᠪᠠᢉᠦᠯᠦᢉᠰᠡᠨ ᠠᠵᠢᠯᠲᠠᠨ ᠲᠣᠭᠠᠨ ᠭᠠᠷ ᠤ᠋ᠨ ᠦᠰᠦᢉ ᠢ᠋ᠶᠡᠨ
ᠵᠢᠷᠤᠭᠰᠠᠨ ᠪᠠᠶᠢᠨ ᠠ᠃»
᠔/᠗᠕᠖ ᠳ᠋ᠤᠭᠠᠷ ᠵᠦᠶᠢᠯ ᠦ᠋ᠨ ᠗᠕᠖᠂᠔ ᠳ᠋ᠡᢈᠢ ᢈᠡᠰᠡᢉ:
«᠗᠕᠖᠂᠔᠂ᢈᠡᠷᠡᢉ ᠦ᠋ᠨ ᠣᠷᠤᠯᠴᠠᠭᠴᠢ ᠴᠠᢈᠢᠮ ᠪᠠᠷᠢᠮᠲᠠ ᠶ᠋ᠢ ᠰᠢᢉᠦᢈᠦ ᠶ᠋ᠢᠨ ᠮᠡᠳᠡᢉᠡᠯᠡᠯ ᠦ᠋ᠨ ᠰᠢᠰᠲ᠋ᠧᠮ ᠦ᠋ᠨ ᠲᠧᢈᠨᠢᢉ ᠦ᠋ᠨ ᠱᠠᠭᠠᠷᠳᠠᠯᠭ ᠠ ᠶ᠋ᠢ ᠬᠠᠩᠭᠠᠭᠤᠯᠤᠨ ᠳᠠᠷᠠᠭᠠᢈᠢ
ᠠᠷᠭ ᠠ ᠪᠠᠷ ᠰᠢᢉᠦᢈᠦ ᠳ᠋ᠦ ᠭᠠᠷᠭᠠᠵᠤ ᠪᠤᠯᠤᠨ ᠠ:
᠗᠕᠖᠂᠔᠂᠑᠂ᠰᠢᢉᠦᢈᠦ ᠶ᠋ᠢᠨ ᠮᠡᠳᠡᢉᠡᠯᠡᠯ ᠦ᠋ᠨ ᠰᠢᠰᠲ᠋ᠧᠮ ᠳ᠋ᠦ ᠥᠪᠠᠷ ᠦ᠋ᠨ ᠠ᠋ᠷᢈᠡ ᠪᠠᠷ ᠨᠡᠪᠲᠡᠷᠡᠨ ᠪᠠᠶᠢᠷᠢᠰᠢᠭᠤᠯᠬᠤ;
᠗᠕᠖᠂᠔᠂᠒᠂ᢈᠡᠷᠡᢉ ᠦ᠋ᠨ ᠣᠷᠤᠯᠴᠠᠭᠴᠢ ᠰᠢᢉᠦᢈᠦ ᠲᠡᠢ ᠬᠠᠷᠢᠯᠴᠠᠬᠤ ᠪᠠᠷ ᠰᠣᠩᠭᠤᠭᠰᠠᠨ ᠴᠠᢈᠢᠮ ᠰᠢᠤᠳᠠᠨ ᠤ᠋ ᠬᠠᠶᠢᠭ᠃»
᠒ ᠳ᠋ᠤᠭᠠᠷ ᠵᠦᠶᠢᠯ᠃ᠢᠷᢉᠡᠨ ᠦ᠋ ᢈᠡᠷᠡᢉ ᠰᠢᢉᠦᢈᠦ ᠳ᠋ᠦ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠲᠤᠬᠠᠢ ᠬᠠᠤᠯᠢ ᠶ᠋ᠢᠨ ᠗᠕᠔᠂᠒ ᠳ᠋ᠠᢈᠢ ᢈᠡᠰᠡᢉ ᠦ᠋ᠨ «ᠦᠨᠳᠦᠰᠦᠨ ᠦ᠋ ᠴᠠᢈᠢᠮ ᠰᠢᠤᠳᠠᠨ ᠤ᠋
ᠬᠠᠶᠢᠭ ᠢ᠋ᠶᠠᠷ» ᢉᠡᠰᠡᠨ ᠤ᠋ ᠳᠠᠷᠠᠭ ᠠ «᠂ ᠥᠮᠦᢉᠡᠯᠡᢉᠴᠢ ᠶ᠋ᠢᠨ ᠮᠣᠩᠭᠣᠯ ᠤ᠋ᠨ ᠥᠮᠦᢉᠡᠯᠡᢉᠴᠢᠳ ᠦ᠋ᠨ ᠬᠣᠯᠪᠤᠭᠠᠨ ᠤ᠋ ᠴᠠᢈᠢᠮ ᠰᠢᠰᠲ᠋ᠧᠮ ᠳ᠋ᠦ ᠪᠦᠷᠢᠳᢈᠡᢉᠦᠯᠵᠦ ᠬᠣᠯᠪᠤᠭᠳᠠᠭᠰᠠᠨ
ᠴᠠᢈᠢᠮ ᠰᠢᠤᠳᠠᠨ ᠤ᠋ ᠬᠠᠶᠢᠭ ᠢ᠋ᠶᠠᠷ» ᢉᠡᠵᠦ ᠨᠡᠮᠡᠰᠦᢉᠡᠢ᠃
᠓ ᠳ᠋ᠤᠭᠠᠷ ᠵᠦᠶᠢᠯ᠃ᠢᠷᢉᠡᠨ ᠦ᠋ ᢈᠡᠷᠡᢉ ᠰᠢᢉᠦᢈᠦ ᠳ᠋ᠦ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠲᠤᠬᠠᠢ ᠬᠠᠤᠯᠢ ᠶ᠋ᠢᠨ ᠘ ᠳ᠋ᠤᠭᠠᠷ ᠵᠦᠢᠯ ᠢ᠋ ᠳᠣᠣᠷ ᠠ ᠳᠤᠷᠠᠳᠤᠭᠰᠠᠨ ᠢ᠋ᠶᠠᠷ ᠥᢉᠡᠷᠡᠴᠢᠯᠡᠨ
ᠨᠠᠶᠢᠷᠠᠭᠤᠯᠰᠤᠭᠠᠢ:
«᠘ ᠳ᠋ᠤᠭᠠᠷ ᠵᠦᠶᠢᠯ᠃ᠰᠢᢉᠦᢈᠦ ᠬᠤᠷᠠᠯᠳᠤᠭᠠᠨ᠂ ᢈᠡᠷᠡᢉ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠪᠤᠰᠤᠳ ᠠᠵᠢᠯᠯᠠᠭ ᠠ ᠶ᠋ᠢ
ᠨᠡᢉᠡᢉᠡᠯᠲᠡᠲᠡᠢ ᠶᠠᠪᠤᠭᠤᠯᠬᠤ
᠘᠂᠑᠂ᠲᠥᠷᠦ ᠶ᠋ᠢᠨ ᠨᠢᠭᠤᠴᠠ ᠳ᠋ᠤ ᠬᠠᠮᠢᠶᠠᠷᠬᠤ ᢈᠡᠷᠡᢉ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠠ᠋ᠴᠡ ᠪᠤᠰᠤᠳ ᠰᠢᢉᠦᢈᠦ ᠶ᠋ᠢᠨ ᢈᠡᠯᠡᠯᠴᠡᢉᠦᠯᢉᠡ᠂ ᠰᠢᢉᠦᢈᠦ ᠬᠤᠷᠠᠯᠳᠤᠭᠠᠨ ᠢ᠋ ᠨᠡᢉᠡᢉᠡᠯᠲᠡᠲᠡᠢ
ᠶᠠᠪᠤᠭᠤᠯᠤᠨ ᠠ᠃
᠘᠂᠒᠂ᢈᠡᠷᠡᢉ ᠢ᠋ ᠰᠢᠢᠳᠪᠤᠷᠢᠯᠡᠵᠦ ᠪᠠᠶᠢᠭ ᠠ ᠰᠢᢉᠦᢉᠴᠢ᠂ ᠰᠢᢉᠦᢈᠦ ᠪᠦᠷᠢᠯᠳᠦᢈᠦᠨ ᠳᠠᠷᠠᠭᠠᢈᠢ ᠲᠣᢈᠢᠶᠠᠯᠳᠤᠯ ᠳ᠋ᠤ ᢈᠡᠷᠡᢉ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠠᠵᠢᠯᠯᠠᠭ ᠠ᠂ ᠰᠢᢉᠦᢈᠦ
ᠬᠤᠷᠠᠯᠳᠤᠭᠠᠨ ᠢ᠋ ᠪᠦᢈᠦᠯᠢ ᠳ᠋ᠦ ᠨᠢ᠂ ᠠ᠋ᠰᠡᢈᠦᠯ ᠡ ᠵᠠᠷᠢᠮ ᢈᠡᠰᠡᢉ ᠢ᠋ ᠬᠠᠭᠠᠯᠲᠠᠲᠠᠢ ᠶᠠᠪᠤᠭᠤᠯᠬᠤ ᠪᠠᠷ᠂ ᠠ᠋ᠰᠡᢈᠦᠯ ᠡ ᢈᠡᠷᠡᢉ ᠲᠦ ᠠᠪᠤᠭᠳᠠᠭᠰᠠᠨ ᠨᠣᠲᠠᠯᠠᠬᠤ ᠪᠠᠷᠢᠮᠲᠠ ᠶ᠋ᠢ ᠣᠯᠠᠨ
ᠨᠡᠶᠢᠲᠡ ᠳ᠋ᠦ ᠮᠡᠳᠡᢉᠡᠯᠡᢈᠦ ᠦᢉᠡᠢ ᠲᠠᠯ ᠡ ᠪᠠᠷ ᠰᠢᠢᠳᠪᠤᠷᠢ ᠭᠠᠷᠭᠠᠵᠤ ᠪᠤᠯᠤᠨ ᠠ᠃
᠘᠂᠒᠂᠑᠂ᢈᠡᠷᠡᢉ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠠᠵᠢᠯᠯᠠᠭᠠᠨ ᠳ᠋ᠤ ᠨᠠᠰᠤᠨ ᠳ᠋ᠤ ᢈᠦᠷᠦᢉᠡ ᠦᢉᠡᠢ ᢉᠡᠷᠡᠴᠢ᠂ ᠬᠣᢈᠢᠷᠠᠭᠴᠢ ᠣᠷᠤᠯᠴᠠᠵᠤ ᠪᠠᠶᠢᠭ ᠠ ᠪᠤᠯ ᠰᠢᢉᠦᢈᠦ
ᠥᠪᠠᠷ ᠦ᠋ᠨ ᠰᠠᠨᠠᠭᠠᠴᠢᠯᠭ ᠠ ᠪᠠᠷ;
᠘᠂᠒᠂᠒᠂ᠨᠡᢉᠡᢉᠡᠯᠲᠡᠲᠡᠢ ᠢᠯᠡ ᠲᠣᠳᠤ ᠪᠠᠶᠢᠬᠤ ᠨᠢ ᢈᠦᠮᠦᠨ ᠦ᠋ ᠦᠨᠳᠦᠰᠦᠨ ᠠ᠋ᠷᢈᠡ ᠳ᠋ᠦ ᠨᠣᠴᠤᠲᠠᠢ ᠬᠣᢈᠢᠷᠠᠯ ᠤᠴᠠᠷᠠᠭᠤᠯᠵᠤ ᠪᠤᠯᠵᠤᠰᠢ ᠦᢉᠡᠢ
ᠲᠠᠯ ᠡ ᠪᠠᠷ ᢈᠡᠷᠡᢉ ᠦ᠋ᠨ ᠣᠷᠤᠯᠴᠠᠭᠴᠢ ᠶ᠋ᠢᠨ ᠭᠠᠷᠭᠠᠭᠰᠠᠨ ᢈᠦᠰᠡᠯᠲᠡ ᠲᠠᠶᠢᠯᠪᠤᠷᠢ ᠶ᠋ᠢ ᠰᠢᢉᠦᢈᠦ ᠦᠨᠳᠦᠰᠦᠯᠡᠯ ᠲᠡᠢ ᢉᠡᠵᠦ ᠦᠵᠡᢉᠰᠡᠨ;
᠘᠂᠒᠂᠓᠂ᠴᠢᠨᠠᠭᠰᠢᠳᠠ ᠦᠷᢉᠦᠯᠵᠢᠯᠡᢈᠦ ᢈᠡᠷᠡᢉ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠠᠵᠢᠯᠯᠠᠭᠠᠨ ᠳ᠋ᠤ ᠨᠣᠴᠤᠲᠠᠢ ᠬᠣᢈᠢᠷᠠᠯ ᠤᠴᠠᠷᠠᠭᠤᠯᠬᠤ ᠦᠨᠳᠦᠰᠦᠯᠡᠯ ᠲᠡᠢ ᢉᠡᠵᠦ
ᠦᠵᠡᠪᠠᠯ᠃
᠘᠂᠓᠂ᠠ᠋ᠨᠡ ᠬᠠᠤᠯᠢ ᠶ᠋ᠢᠨ ᠘᠂᠒᠆ ᠲᠤ ᠵᠢᠭᠠᠭᠰᠠᠨ ᠰᠢᠢᠳᠪᠤᠷᠢ ᠨᠢ ᠰᠢᢉᠦᢉᠴᠢ ᠶ᠋ᠢᠨ ᠵᠠᢈᠢᠷᠤᠮᠵᠢ᠂ ᠰᠢᢉᠦᢈᠦ ᠶ᠋ᠢᠨ ᠲᠣᠭᠲᠠᠭᠠᠯ ᢈᠡᠯᠪᠠᠷᠢ ᠲᠡᠢ ᠪᠠᠶᠢᠨ ᠠ᠃ ᠤᠭ
ᠰᠢᠢᠳᠪᠤᠷᠢ ᠶ᠋ᠢ ᠠ᠋ᠰᠡ ᠵᠥᠪᠰᠢᠶᠡᠷᠡᠪᠠᠯ ᢈᠡᠷᠡᢉ ᠦ᠋ᠨ ᠣᠷᠤᠯᠴᠠᠭᠴᠢ ᠭᠣᠮᠤᠳᠠᠯ᠂ ᢈᠡᠪᠯᠡᠯ ᠮᠡᠳᠡᢉᠡᠯᠡᠯ ᠦ᠋ᠨ ᠪᠠᠶᠢᠭᠤᠯᠤᠯᠭ ᠠ᠂ ᠰᠡᠳᢈᠦᠯᠴᠢ᠂ ᠰᠣᠨᠢᠷᠬᠠᠭᠴᠢ ᠪᠤᠰᠤᠳ ᠠ᠋ᠲᠡᢉᠡᠳ ᢈᠦᠰᠡᠯᠲᠡ
ᠭᠠᠷᠭᠠᠬᠤ ᠠ᠋ᠷᢈᠡ ᠲᠡᠢ᠃
᠘᠂᠔᠂ᠠ᠋ᠨᠡ ᠬᠠᠤᠯᠢ ᠶ᠋ᠢᠨ ᠘᠂᠒᠆ ᠲᠤ ᠵᠢᠭᠠᠭᠰᠠᠨ ᠤ᠋ ᠳᠠᠭᠠᠭᠤ ᠰᠢᠢᠳᠪᠤᠷᠢᠯᠡᢉᠰᠡᠨ ᢈᠡᠷᠡᢉ ᠦ᠋ᠨ ᠤᠶᠢᠯᠡ ᠪᠠᠷᠢᠮᠲᠠ᠂ ᠨᠣᠲᠠᠯᠠᠬᠤ ᠪᠠᠷᠢᠮᠲᠠ ᠶ᠋ᠢᠨ ᠲᠠᠯ ᠡ ᠪᠠᠷ ᠣᠯᠵᠤ
ᠮᠡᠳᠡᢉᠰᠡᠨ ᢈᠡᠷᠡᢉ ᠦ᠋ᠨ ᠣᠷᠤᠯᠴᠠᠭᠴᠢ᠂ ᢈᠡᠪᠯᠡᠯ ᠮᠡᠳᠡᢉᠡᠯᠡᠯ ᠦ᠋ᠨ ᠪᠠᠶᠢᠭᠤᠯᠤᠯᠭ ᠠ᠂ ᠰᠡᠳᢈᠦᠯᠴᠢ᠂ ᠪᠤᠰᠤᠳ ᠠ᠋ᠲᠡᢉᠡᠳ ᠤᠭ ᠤᠶᠢᠯᠡ ᠪᠠᠷᠢᠮᠲᠠ᠂ ᠨᠣᠲᠠᠯᠠᠬᠤ ᠪᠠᠷᠢᠮᠲᠠ ᠶ᠋ᠢᠨ ᠲᠠᠯ ᠡ ᠪᠠᠷ
ᠣᠯᠠᠨ ᠨᠡᠶᠢᠲᠡ ᠳ᠋ᠦ ᠲᠦᢉᠡᢉᠡᢈᠦ᠂ ᢈᠡᠪᠯᠡᠨ ᠨᠡᠶᠢᠲᠡᠯᠡᢈᠦ᠂ ᠠᠯᠢᠪᠠ ᠪᠠᠶᠢᠳᠠᠯ ᠢ᠋ᠶᠠᠷ ᠨᠡᠶᠢᠲᠡ ᠳ᠋ᠦ ᠳᠡᠯᢉᠡᢈᠦ ᠶ᠋ᠢ ᠬᠣᠷᠢᠭᠯᠠᠨ ᠠ᠃
᠘᠂᠕᠂ᠢᠷᢉᠡᠨ ᠦ᠋ ᠠ᠋ᠷᢈᠡ ᠵᠦᠢ ᠶ᠋ᠢᠨ ᠴᠢᠳᠠᠮᠵᠢ ᠦᢉᠡᠢ᠂ ᠰᠣᠭᠲᠤᠭᠤᠷᠠᠭᠰᠠᠨ᠂ ᠮᠠᠩᠰᠢᠭᠤᠷᠠᠭᠰᠠᠨ᠂ ᠑᠘ ᠨᠠᠰᠤᠨ ᠳ᠋ᠤ ᢈᠦᠷᠦᢉᠡ ᠦᢉᠡᠢ ᢈᠡᠷᠡᢉ ᠦ᠋ᠨ ᠣᠷᠤᠯᠴᠠᠭᠴᠢ
ᠪᠢᠰᠢ ᠠ᠋ᠲᠡᢉᠡᠳ ᠠ᠋ᠴᠡ ᠪᠤᠰᠤᠳ ᢈᠦᠮᠦᠨ ᠨᠡᢉᠡᢉᠡᠯᠲᠡᠲᠡᠢ ᠰᠢᢉᠦᢈᠦ ᠬᠤᠷᠠᠯᠳᠤᠭᠠᠨ ᠢ᠋ ᢈᠦᠨᠳᠡᠯᠡᠨ ᠠ᠋ᠴᠡ ᠠᠵᠢᠭᠯᠠᠬᠤ ᠵᠣᠷᠢᠯᠭ ᠠ ᠪᠠᠷ ᠰᠢᢉᠦᢈᠦ ᠬᠤᠷᠠᠯᠳᠤᠭᠠᠨ ᠤ᠋ ᠲᠠᠩᢈᠢᠮ ᠳ᠋ᠤ ᠴᠢᠯᠦᢉᠡ ᠲᠡᠢ
ᠨᠡᠪᠲᠡᠷᠡᠨ ᠣᠷᠤᠬᠤ ᠠ᠋ᠷᢈᠡ ᠲᠡᠢ᠃ ᠰᠢᢉᠦᢈᠦ ᠬᠤᠷᠠᠯᠳᠤᠭᠠᠨ ᢈᠦᠨᠳᠡᠯᠡᠨ ᠠ᠋ᠴᠡ ᠠᠵᠢᠭᠯᠠᠭᠴᠢ ᠠ᠋ᠲᠡᢉᠡᠳ ᠨᠢ ᠰᠢᢉᠦᢈᠦ ᠬᠤᠷᠠᠯᠳᠤᠭᠠᠨ ᠳ᠋ᠤ ᠣᠷᠤᠯᠴᠠᠬᠤ ᠳᠢᢉ᠂ ᠵᠢᠷᠤᠮ ᠢ᠋
ᠪᠠᠷᠢᠮᠲᠠᠯᠠᠨ ᠠ᠃»
᠔ ᠳ᠋ᠦᢉᠡᠷ ᠵᠦᠶᠢᠯ᠃ᠢᠷᢉᠡᠨ ᠦ᠋ ᢈᠡᠷᠡᢉ ᠰᠢᢉᠦᢈᠦ ᠳ᠋ᠦ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠲᠤᠬᠠᠢ ᠬᠠᠤᠯᠢ ᠶ᠋ᠢᠨ ᠗᠕᠔ ᠳ᠋ᠦᢉᠡᠷ ᠵᠦᠶᠢᠯ ᠦ᠋ᠨ ᠭᠠᠷᠴᠠᠭ ᠤ᠋ᠨ «ᠮᠡᠳᠡᢉᠳᠡᢈᠦ ᠬᠠᠭᠤᠳᠠᠰᠤ ᠶ᠋ᠢ
ᢈᠦᠷᢈᠡᢉᠦᠯᢈᠦ» ᢉᠡᠰᠡᠨ ᠢ᠋ «ᠮᠡᠳᠡᢉᠳᠡᢈᠦ ᠬᠠᠭᠤᠳᠠᠰᠤ᠂ ᢈᠡᠷᠡᢉ ᢈᠢᠨᠠᠨ ᠰᠢᠢᠳᠪᠤᠷᠢᠯᠡᢈᠦ ᠠᠵᠢᠯᠯᠠᠭᠠᠨ ᠤ᠋ ᠲᠡᠮᠳᠡᢉᠯᠡᠯ» ᢉᠡᠵᠦ ᠤᠢᢉᠡᠷᠡᠴᠢᠯᠡᠰᠤᢉᠡᠢ᠃
᠕ ᠳ᠋ᠤᠭᠠᠷ ᠵᠦᠶᠢᠯ᠃ᠠ᠋ᠨᠡ ᠬᠠᠤᠯᠢ ᠶ᠋ᠢ ᠒᠐᠒᠕ ᠣᠨ ᠤ᠋ ᠐᠑ ᠳ᠋ᠦᢉᠡᠷ ᠰᠠᠷ ᠠ ᠶ᠋ᠢᠨ ᠐᠑᠆ ᠤ᠋ ᠠ᠋ᠳᠦᠷ ᠠ᠋ᠴᠡ ᠠ᠋ᢈᠢᠯᠡᠨ ᠳᠠᠭᠠᠵᠤ ᠮᠥᠷᠳᠡᠨ ᠡ᠃
ᠮᠣᠩᠭᠤᠯ ᠤᠯᠤᠰ ᠤ᠋ᠨ
ᠶᠡᢈᠡ ᠬᠤᠷᠠᠯ ᠤ᠋ᠨ ᠳᠠᠷᠤᠭ ᠠ ᠭᠣ᠋᠂ᠽᠠᠨᠳᠠᠨᠰᠢᠲᠠᠷ ᠠ