Даатгалын тухай хуульд нэмэлт оруулах тухай

2022 оны 12 дугаар Улаанбаатар

сарын 23-ны өдөр хот

1 дүгээр зүйл.Даатгалын тухай хуульд доор дурдсан агуулгатай

дараах зүйл, заалт нэмсүгэй:

1/61 дүгээр зүйл:

“61 дүгээр зүйл.Даатгагчийн бусад үйл ажиллагаа

61.1.Даатгагч нь энэ хуулийн 4.1.1-д зааснаас гадна холбогдох

этгээдээс бусад этгээдэд дараах даатгагчийн баталгаа, батлан даалт гаргаж болно:

61.1.1.орон сууцны ипотекийн зээлийн урьдчилгаа төлбөрт;

61.1.2.хүн, хуулийн этгээд хоорондын ашгийн төлөө үйл

ажиллагаа явуулах харилцаанд;

61.1.3.хуулиар хориглоогүй бусад харилцаанд.

61.2.Даатгагчийн баталгаа гаргахад Иргэний хуулийн 457 дугаар

зүйлд заасныг баримтална.

61.3.Энэ хуулийн 61.1 дэх хэсэгт заасан үйл ажиллагааны журмыг

Санхүүгийн зохицуулах хороо батална.”

2/4 дүгээр зүйлийн 4.1.13 дахь заалт:

“4.1.13.“даатгагчийн баталгаа” гэж даатгагч нь үүрэг

гүйцэтгүүлэгчийн бичгээр тавьсан шаардлагаар үүрэг гүйцэтгэгчийн өмнөөс мөнгөн төлбөрийг гүйцэтгэх, үүрэг гүйцэтгэгч нь даатгагчид төлбөр төлөх үүргийг тус тус хүлээсэн хэлцлийг ойлгоно.”

3/14 дүгээр зүйлийн 14.2.22 дахь заалт:

“14.2.22.энэ хуулийн 61.1 дэх хэсэгт заасан даатгагчийн баталгаа гаргах үйл ажиллагааны журам.”

2 дугаар зүйл.Энэ хуулийг Төрийн болон орон нутгийн өмчийн

хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдөнө.