Төрийн болон орон нутгийн өмчийн тухай хуульд нэмэлт, өөрчлөлт оруулах тухай

2022 оны 04 дүгээр Улаанбаатар

сарын 29-ний өдөр хот

1 дүгээр зүйл.Төрийн болон орон нутгийн өмчийн тухай хуулийн

56 дугаар зүйлд доор дурдсан агуулгатай 5, 6, 7 дахь хэсэг нэмсүгэй:

“5.Аливаа этгээд дангаар болон холбогдох этгээдийн хамт энэ

хуульд заасны дагуу нээлттэй хувьцаат компани болсон төрийн болон орон нутгийн өмчит хуулийн этгээдийн Үнэт цаасны зах зээлийн тухай хуулийн 4.1.29-д заасан нөлөө бүхий хувьцаа эзэмшигч байхыг хориглоно.

6.Мөнгө угаах болон терроризмыг санхүүжүүлэхтэй тэмцэх тухай

хуулийн 3.1.5-д заасан улс төрд нөлөө бүхий этгээд, түүний хамаарал бүхий этгээд биржээр арилжаалах төрийн болон орон нутгийн өмчит хуулийн этгээдийн хувьцааг эзэмшихийг хориглоно.

7.Энэ хуулийн 56 дугаар зүйлийн 5, 6 дахь хэсэгт заасан шалгуурыг

мөрдүүлэх, хяналт тавихтай холбогдсон журмыг Санхүүгийн зохицуулах хороо батална.”

2 дугаар зүйл.Төрийн болон орон нутгийн өмчийн тухай хуулийн

8 дугаар зүйлийн 1 дэх хэсгийн 5 дахь заалтын “төрийн өмчийг хувьчлах үндсэн чиглэл,” гэсний дараа “төрийн өмчит хуулийн этгээдийн хувьцааг биржээр олон нийтэд нээлттэй худалдах үндсэн чиглэл,” гэж нэмсүгэй.

3 дугаар зүйл.Төрийн болон орон нутгийн өмчийн тухай хуулийн

56 дугаар зүйлийн 2 дахь хэсгийн 1 дэх заалтын “хувьчлагдах үйлдвэрийн газрын” гэснийг “хувьцааг олон нийтэд нээлттэй худалдах хуулийн этгээдийн” гэж өөрчилсүгэй.

4 дүгээр зүйл.Энэ хуулийг Монгол Улсын 2022 оны төсвийн тухай

хуульд өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдөнө.