— 3123 —

Журам батлах тухай № 160

МОНГОЛ УЛСЫН ЗАСГИЙН ГАЗРЫН ТОГТООЛ

2021 оны 6 дугаар Улаанбаатар сарын 1-ний өдөр Дугаар 160 хот

Журам батлах тухай

Монгол Улсын Засгийн газрын тухай хуулийн 7 дугаар зүйлийн

2 дахь хэсэг, Төсвийн тухай хуулийн 10.1.13-т заасныг тус тус үндэслэн Монгол Улсын Засгийн газраас ТОГТООХ нь:

1. “Төсвийн хөрөнгө оруулалтаар хэрэгжүүлэх төсөл, арга хэмжээг

төлөвлөх, санхүүжүүлэх, хянах, тайлагнах журам”-ыг хавсралт ёсоор баталсугай.

2. Энэ журмыг 2021 оны 8 дугаар сарын 1-ний өдрөөс эхлэн

төсвийн хөрөнгө оруулалтын төсөл, арга хэмжээг төлөвлөх, хэрэгжүүлэх, санхүүжүүлэх, хянах, тайлагнах үйл ажиллагаанд мөрдөж ажиллахыг бүх шатны төсвийн захирагч нарт, хэрэгжилтэд хяналт тавьж ажиллахыг Сангийн сайд Б.Жавхланд тус тус даалгасугай.

МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ

САНГИЙН САЙД Б.ЖАВХЛАН

Засгийн газрын 2021 оны 160 дугаар

тогтоолын хавсралт

ТӨСВИЙН ХӨРӨНГӨ ОРУУЛАЛТААР ХЭРЭГЖҮҮЛЭХ ТӨСӨЛ,

АРГА ХЭМЖЭЭГ ТӨЛӨВЛӨХ, САНХҮҮЖҮҮЛЭХ,

ХЯНАХ, ТАЙЛАГНАХ ЖУРАМ

Нэг.Нийтлэг үндэслэл

1.1.Зорилго, хамрах хүрээ

1.1.1.Энэ журмын зорилго нь улсын төсвийн хөрөнгө

оруулалтын төлөвлөлт болон санхүүжилтийн удирдлагыг боловсронгуй болгох замаар төсвийн зардлыг бууруулж, төсвийн хөрөнгө оруулалтын үр ашгийг дээшлүүлэхэд оршино.

1.1.2.Барилга байгууламж, их засвар, тоног төхөөрөмж,

зөвлөх үйлчилгээ зэрэг улсын төсвийн хөрөнгө оруулалтаар санхүүжүүлэх