Хууль баталсантай холбогдуулан авах арга хэмжээний тухай № 40

2021 оны 05 дугаар Улаанбаатар

сарын 06-ны өдөр Дугаар 40 хот

Хууль баталсантай холбогдуулан

авах арга хэмжээний тухай

Монгол Улсын Их Хурлын тухай хуулийн 5 дугаар зүйлийн 5.1

дэх хэсэг, Монгол Улсын Их Хурлын чуулганы хуралдааны дэгийн тухай хуулийн 44 дүгээр зүйлийн 44.5 дахь хэсгийг үндэслэн Монгол Улсын Их Хурлаас ТОГТООХ нь:

1.Хоршооны тухай хууль /Шинэчилсэн найруулга/-ийг баталсантай

холбогдуулан дараах арга хэмжээг авч, хэрэгжүүлэхийг Монгол Улсын Засгийн газар /Л.Оюун-Эрдэнэ/-т даалгасугай:

1/сум хөгжүүлэх санг хоршоог дэмжих чиглэлээр өөрчилж,

холбогдох журмыг 2021 оны 4 дүгээр улиралд багтаан батлах;

2/ажлын байрыг нэмэгдүүлэх, хөдөлмөр эрхлэлтийг

дэмжих зорилгоор Жижиг, дунд үйлдвэрийг хөгжүүлэх сан, Хөдөлмөр эрхлэлтийг дэмжих сангаас хоршоонд олгох санхүүжилтийг жил бүрийн улсын төсөвт тусгуулж байх;

3/хоршооны шинэчилсэн бүртгэлийг Хоршооны тухай

хууль /Шинэчилсэн найруулга/ хүчин төгөлдөр болсноос хойш нэг жилийн дотор багтаан зохион байгуулах;

4/хуульд заасан хоршооны нягтлан бодох бүртгэлийн

онцлогийг тусгасан журам, зааврыг боловсруулж батлах, сурталчлах ажлыг зохион байгуулах;

5/хоршооны хууль, эрх зүйн зохицуулалт, татварын орчны

талаарх танилцуулга, сургалтыг улсын хэмжээнд зохион байгуулах;

6/Зөрчлийн тухай хуульд нэмэлт, өөрчлөлт оруулах

саналыг боловсруулж, шийдвэрлүүлэх;

7/“Эрүүл мэндээ хамгаалж, эдийн засгаа сэргээх 10 их

наядын цогц төлөвлөгөө”-г хэрэгжүүлэх ажлын хүрээнд хоршоог дэмжихэд шаардагдах санхүүжилтийн эх үүсвэрийг тэргүүн ээлжид шийдвэрлэх;

8/Монгол Улсад хоршооллын салбар үүсэж, хөгжсөний 100

жилийн ойн хүрээнд хоршоог сурталчлах, шилдэг туршлагыг дэлгэрүүлэх аяныг улсын хэмжээнд өрнүүлж, ойн арга хэмжээг зохион байгуулах;

9/2022 оныг “Хоршооны хөгжлийг дэмжих жил” болгож,

хоршооллын хөдөлгөөнийг эрчимжүүлэх арга хэмжээг авах.

2.Энэ тогтоолын хэрэгжилтэд хяналт тавьж ажиллахыг Монгол

Улсын Их Хурлын Эдийн засгийн байнгын хороо /Ж.Ганбаатар/-нд даалгасугай.